افغانستان نه کرونا وائرس منتقلۍ خطره،چمن بارډر بند

پاک افغان پوله به تر يوې هفتې د عام ټريفک او خلکو تګ راتګ لپاره بند وي،د ناټو سپلائي هم معطل شوے

کابل کښې د پاکستان سفارتخانے لخوا جاري شوي بيان ترمخه د دوئم مارچ نه تر اووم مارچ پورې به چمن سپين بولدک کراسنګ پوائنټ په مکمله توګه بند وي

بيان کښې زياته کړي شويده چې د پاکستاني حکومت د دې اقدام مقصد د پولې دواړو اړخونو ته د کرونا وائرس د منتقلۍ د خطرې مخ نيوي کول دي

چين نه وروستو د پاکستان ګاونډي ملکونو ايران او افغانستان کښې د کورونا وائرس  پيښې ثبت کيدو وروستو پاکستان ايران سره په تفتان بارډر او دغه رنګ افغان پولو سره پرتوعلاقو کښې د دې وائرس د مخ نيوي لپاره خصوصي انتظامات کړيدي

پاکستان ته د کورونا وائرس د منتقلۍ انديښنو لوجې تورخم او پاړا چنار کښې د صحت مرکزونه جوړ کړي شويدي

دغه رنګ چمن ښار ته د کرونا وائرس د منتقلۍ خطرې د مخ نيوي لپاره پاکستان ته د پولې هغه اړخ نه راغلي خواؤ شا زر کسان د سکريننګ د مرحلې نه تيريدو وروستو پاکستان کښې داخل شوي وو

پاکستان په داسې مهال افغانستان او او ايران سره په پولو دا اقدامات پورته کړيدي چې د پاکستان مختلفو ښارونو کښې څلورو کسانو کښې د کورونا وائرس تصديق شويدے

چمن کښې افغانستان سره تړلې پوله بندولو لوجې دواړو ملکونو ترمينځه تجارت او د عامو خلکو تګ راتګ په مکمله توګه بند شوي او دغه رنګ افغانستان کښې ميشته ناټو پوځيانو ته سپلائي هم معطل شويده

 

بايد تاسي دا هم خوښ کړيي

ځواب ورکئي

آپ کا ای میل ایڈریس شائع نہیں کیا جائے گا.